سمك بربون مع ارز الصيادية

Admin الجمعة يوليو 25, 2008 8:45 pm

سمك بربون مع ارز الصيادية

طبعا انتم عارفين انى اسكندرانية والسمك بتاع البحر لاااااااااازم يكون فى بيتنا على الاقل مرتين ثلاثة فى كل اسبوع وسمك البربون من الاسماك الجميلة اللى لها طعم جميل لانه بيعيش على الجمبرى فى البحر وساعات بلاقى جواه جمبرى فى بطنه سبحان الله وبقدم معاه ليكم ارز صيادية بالبصل البنى وسلطة الخس الجميله
اتفضلو
مكونات السمك
سمك بربون
ثوم بودرة
ملح كمون شطة كسبرة جافة
بودرة بصل
عصير ليمون زيت لقلى السمك
دقيق للقلى
الطريقة
اتبل السمك قبل القل بنصف ساعة او ساعة فى البهارات السابقة
اسخن الزيت بعد التتبيل واضع السمك فى الدقيق ويقلى حتى يصبح كما فى الصورة ويقد مع الارز الصيادية
مكونات الارز الصيادية
ارز مصرى
بصل كمية كبيرة نصف كيلو بصل لو 2 كوب ونصف ارز
زيت
ملح وفلفل اسود
واحدة طماطم مبشورة
الطريقة
يقطع البصل جوانح او مكعبات صغيرة
يسخن الزيت ثم احمر البصل الى ان يصبح بنى اللون
اضيف مبشور الطماط ثم اضيف الماء حسب كمية الارز ونوعيتة ثم اتبل بملح وفلفل اسود ثم اسقط الارز واهدئ النار بعد الغاليان ثم يقدم مع السمك وسلطة الخس اللذيذة
سلطة الخس
حزمة خس
خيار
طماطم
زعتر مجفف
نعناع مجفف
زيت زيتون ملح